Sweet ♥***♥ G!RL

Sweet ♥***♥ G!RL

منتدى Sweet للبنات فقط نتمنى تسجيلكم معنا وأن تنضموا لأسرتنا الغاالية يا قمورات
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 تكون او لا تكون [انت آمر وش تبي ]

اذهب الى الأسفل 
كاتب الموضوعرسالة
همسة فرح

همسة فرح

عدد المساهمات : 120
التقيـــــــ•ــــم : 8
تاريخ التسجيل : 10/02/2012
العمر : 23

مُساهمةموضوع: تكون او لا تكون [انت آمر وش تبي ]   الأحد فبراير 12, 2012 11:09 pm

علشان خاطر سعادتك


لازم تعمل حاجات كتير


وعشان تعمل حاجات كتير


لازم تعرف حاجات اكتر


وعلشان تعرف حاجات اكتر عملنا مواضيع علشان خاطر سعادتك


علشان تعرف معلومات كتير


لازم تعرف الاول يعني ايه انسان


وتعرف ان الانسان بيتكون من روح و نفس و جسد


لما تعرف معلومات مهمة عن الروح ومعلومات مهمة عن النفس


هتقدر تخلي الجسد يعمل اي حاجة انت عايزها ويحقق اي حاجة


وعلى فكرة


وهتتحكم في كل حاجة في الجسد


هتتحكم بطريقة قد تذهلك


> ان شاء الله


الاول هنتكلم في النفس



واول موضوع هيكون ازاي تعرف نفسك


وطبعا كلنا عارفين ان اللي بيدرس ده هو علم النفس


كان العلماء عايزين يعرفو ايه الانسان ده ؟


وايه النفس ؟


وايه اللي بيحصل؟


ازاي السلوكيات بتطلع ؟


ازاي الاحاسيس بتطلع ؟


ازاي ممكن ظرف يحصل يخلي الانسان سلبي جدا ويكون مضايق ومخنوق


وازاي ظرف يحصل يخلي الانسان مبسوط ومرتاح ومستمتع
ممكن يكون الظرف واحد عند شخصين مختلفين


فيطلعو افعال ردود مختلفة


في الاول درسوا العقل



وعلى فكرة العقل وظيفه مش جزء في الجسم


العقل وظيفه في جسم الانسان مسؤل عنها المخ



زمان كانو بيقولو كدة


دلوقتي في ابحاث كتير بتنادي وبتقول ان المسؤل عن عملية العقل


داخل جسم الانسان هو القلب وليس كما كان يظن بالماضي انه المخ


وحاليا في جدل علمي
هل فعلا القلب هو المتحكم في العقل
او
المخ ولا هو نسبة وتناسب بين الاتنين


لكني اؤكد لكم انه سيحسم الامر ده في الاخير لصالح القلب


وبغض النظر عن مين المسؤل عن عملية العقل بدا العلماء


في دراسة هذه الخاصية وهذه العملية


اثناء دراسة العقل تم تقسيمه الى ثلاث انواع


لقو ان في عمليات في العقل بتتم بوعي


يعني بعملها بإرادتي زي التفكير ....زي العمليات الحسابية ..... زي لو انا عايز اخد قرار معين ..... زي لو انا عايز اختار او انتقي من بدائل كتير قدامي


طيب دق القلب وحركات الجسم ؟
دي عملية عقليه اصطلح انه يكون اسمها عمليات عقليه لا واعيه او العقل الاواعي او العقل الباطن


ازاي المعدة بتاخد من الاكل احتياجاتها وتوزع ع الجسم وتدي كل عضو احتياجه وبعد كدة تاخد الفضلات وتزلها في عملية الاخراج
مين المتحكم في كل ده ؟؟
المتحكم فعليا هو العقل اللا واعي


التنفس
ازاي الرئتين بيدخلها هوا بيتم انتقاء الاوكسجين ويتوزع على كل خلايا الجسم وياخد منها ثاني اكسيد الكربون ويطردوا برا الجسم
مين المتحكم هنا ايضا ؟؟
العقل اللا واعي


هنا بقا بدا العلماء يدرسو العقل اللا واعي


ايه هي قدراته ؟


ايه هي امكانياته ؟


ايه هي حدوده ؟


هدي مثال صغير


عشان نعرف الفرق ما بين العمليات العقلية الواعية و العمليات العقلية اللا واعية


لو اني مثلا قلت كل واحد فيكم يحط ايده قدام فمه وينفخ باقصى قوه عنده ويقيس سرعه الهوا بالتقريب


وفي يوم من الايام عادي وهو بيعطس يحط ايده قدام فهمه ويقيس برضو سرعه العطسه بالتقريب


هتلاقي ان سرعه الهوا سريييعه جدا


في بعض الابحاث بتقول انها بتوصل لـ 360 كيلو في الساعه


العطسه تمت بلا وعي والنفخ اللي انت عملته تم بوعيك


مثال تاني


لو جبنا كاسه وحطينا فيها لحم رز خبز وسكر وموية وجمعنا علماء الدنيا كلها وقلنا لهم حولولها بس للحم


هيقدروو ؟؟!


شوف بقى لما انت بتاكل كل ده ويدخل جوا جسمك ووعاء المعدة بيحول كل ده للحم وبتنمو معاه


ربنا سبحانه وتعالى هو اللي بيدينا القدرة دي


لكن العلماء لازالو يبحثو


ايه هي حدود القدرة دي > العقل اللاواعي


مفيش حد لحد النهارة قدر يوصلها


نرجع لموضوعنا


اكتشف العلماء ان اي حاجة متسجله في عقلك اللاواعي بينفذها تلقائيا بدون تفكير


يعني شغال زي الكمبيوتر


يعني العقل الواعي هو اللي بيفكر


والعقل الباطن بينفذ من غير تفكير


من ضمن العلماء عالم عمل تجربة غريبة شوية


جاب انسان ووجرحه جرح في ايديه وقعد فترة يقنعه ان الجرح ده عمره ما هيخف ابدا ولا هيلم تاني
فوجاؤ فعلا ان الجرح فضل فترة طويلة جدا من غير ما يلتئم


قال العلماء وقتها فعلا ان الموضوع خطير جدا اذا احنا فعلا نقدر نتحكم في البرامج الموجودة في العقل اللاواعي


واكتشفو ان العقل الواعي هو اللي بيمرر هذه البرامج للعقل اللاواعي وبينفذها تلقائي


مثلا


المسؤل عن عمليات تبادل الغذاء هو العقل اللاواعي


لقوا ان الانسان اللي بيقول انا مهما اكل عمري ما هتخن لقوه فعلا مستحيل يتخن


ولقو الانسان اللي بيقول ان الانسان اللي بيقول انا لما بشم ريحة الاكل بتخن فعلا بيتخن > هي صيغه مبالغه


العقل اللاواعي بينفذ ع طول المعلومات دي وبيدي اوامر لكل اجهزة الجسم ان اي اكل ينزل الجسم لازم يتخزن وبالتالي بيتخن


الموضوع بقى اكتر بكتير كمان


لقو ان الطالب اللي بيذاكر وقال ان المادة صعبه العقل هينفذ ان المادة صعبه هيفقل كل قدرات الدماغ وبالفعل المادة هتكون صعبه عند الطالب


ولقو
الطالب اللي بيقول المادة دي سهله وانا هفهمها بسهولة لقو العقل بيشغل كل
خلايا المخ وفعلا بيفهمها بسهولة وبيستنبط افكار وطرق للمذاكرة وبتخلي
المادة اسهل



النقطة الاخطر من كدة


لقو ان العقل الباطن اي حاجة محفورة ومتمكنه فيه بتتنفذ تلقائي وبتتنفذ على مستوى خارج الجسم مش داخله


يعني ايه ؟


يعني لو حد مقتنع ان حياته هتبقى جحيم


فجئو ان الكون كله وظروف حياته كلها الفترة اللي جاية بتبقى جحيم



هنا نشأ تصنيف تالت وجزء جديد سموه العقل العالي


واكتشفو ان العقل العالي من قدراته


ان الكون كل بيتحرك عشان ينفذ كل رغباته وكل حاجة موجودة فيه



يعني العقل اللاواعي فيه البرنامج متسجل
والعقل العالي دوره ياخد البرنامج ده ويديه للكون كله عشان ينفذه



من هنا بناكد على المقولة الشهيرة اللي بتفول


تفائلوا بالخير تجدوه


حتى هنلاقي ان الديانات السماوية كلها بتنادي وتناشد الانسان إنه علطول يكون متفائل وان اللي جاي احلى


انا عند ظن عبدي بي فليظن بي ماشاء


الانسان اللي عنده قناعه معينه هي اللي بتحصل


يعني مثلا
لو سالتك ايه مفهومك عن الغنى
وانت قلت ليا الانسان لازم يحارب وتطلع عنيه عشان يكسب
عمرك ما هتكون غني غير لما تطلع عنيك وتجاهد وتحارب عشان تكسب
ونجيب شخص تاني ونساله نفس السؤال ويقول


اسهل حاجة الغنى واسهل حاجة اني اكسب فلوس > بالحلال طبعا
وهتلاقي عنده افكار ملهمة جدا بتخليه يكسب باقل قدر وجهد من التعب


وهنلاقي في ايه في القران بتقول


{ ان الله لا يغير ما بقوم حتى يغيرو ما بانفسهم }



البرنامج المتسجل عندك لازم يتغير عشان كل حياتك تتغير







انتهى الموضوع اليوم لكنه لم يتوقف


منتظر ارائكم ونتائج التصويت عشان اشوف اكمل او لا


ودي لكم
انتظر ردكم
يارب يصل بسرعة
cheers cheers cheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sweet G!Rl
Admin
Admin
sweet G!Rl

عدد المساهمات : 700
التقيـــــــ•ــــم : 10
تاريخ التسجيل : 08/02/2012
العمر : 22
الموقع : منتدى بنات الثانوية

مُساهمةموضوع: رد: تكون او لا تكون [انت آمر وش تبي ]   الأحد فبراير 12, 2012 11:16 pm

دمتي يا عسل

موااضيعك في قمة الجمااال والتأأألق

بوركت جهودك

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://allah-akbar14.jordanforum.net
Sђ₥ǿǾ5
Admin
Admin
Sђ₥ǿǾ5

عدد المساهمات : 411
التقيـــــــ•ــــم : 7
تاريخ التسجيل : 08/02/2012
العمر : 22
الموقع : منتدى بنات الثانوية

مُساهمةموضوع: رد: تكون او لا تكون [انت آمر وش تبي ]   الثلاثاء فبراير 14, 2012 11:06 pm

الله يعطيكي العافية
ولا تحرمينا جديدك


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://allah-akbar14.jordanforum.net
همسة فرح

همسة فرح

عدد المساهمات : 120
التقيـــــــ•ــــم : 8
تاريخ التسجيل : 10/02/2012
العمر : 23

مُساهمةموضوع: رد: تكون او لا تكون [انت آمر وش تبي ]   الأربعاء فبراير 15, 2012 9:44 pm

شكرا على دخولكو موضوعي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تكون او لا تكون [انت آمر وش تبي ]
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Sweet ♥***♥ G!RL :: ¬♥•| عاميات |•♥¬-
انتقل الى: